Makilala PNP Padayon sa Kampanya, Sa Kalsada

Mapadayunon ang monitoring sa Makilala PNP may kalambigitan sa natad sa trapiko. Kini ang gitin-aw sa ilang traffic section head.

Iyang giklaro nga padayon gihapon ang ilang pagbantay sa dalan alang sa implementasyon sa “No Helmet, No Plate, No Travel Policy”, nga dugay nang nasugdan. Lakip na usab ang paggukod sa mga indibiwal nga nagapahigayon og drag-racing sa national highway ning lungsod. Kini sa tumong nga malayo sa trahedya ang nanahimong involved niini. Apan aninado ang pulisya nga naglisod sila pagdakop niini, tungod kay sila lamang usab ang bantayan sa mataghigayong maglumbaanay kini sa dalan.
Kabahin gihapon sa maong kampanya mao ang gidusong ordinansa ni Coun Pedro Ang, ang ordinansang magaregulate sa paggamit og muffler sa mga pribado o pampublikong motorsiklo. Kini human ang mga reklamong kasaba gikan sa mga motorsiklo ilalom sa kagabion, og aron di na makaisturbo ang bisan kinsang motorsiklong musulod sa lungsod. Aron dili usab malayop ang tumong niini nga para lamang sa transportasyon og dili sa paghatag kasaba sa mga kadalanan.
Kung maaprobahan ang maong ordinansa pwedeng makamulta ang madakpan gikan 1,000 ngadto sa 2,500 og pagsuspende sa ilang mga lisensya. Kining maong mulo gipaabot niadtong miaging Security Conference nga gitambungan sa nagkadaiyang sektor sa lungsod. - Andrew Tabugoc

Pagkapalong sa Daghang Street Lights sa Poblacion, Gitin-aw sa Brgy Administrator

Giankon ni brgy poblacion administrator Jojo Dilauta nga hinungdan sa pakawala sa supply sa kuryente sa daghang mga street lights sa Brgy mao ang kasamtangang re-eveluation alang sa mga tukmang ihap sa street lights nga sakop sa naasoy nga bgry. Og usa usab nga hinungdan mao ang 711, 000.00 nga utang sa lokal nga panggamhanan sa COTELCO. Apan giklaro nga ang maong utang nasugdan pa sa miaging administrasyon.
Hinungdan kuno niini mao ang taas nga wattage sa mga nataod nga bumbilya. Kung diin mukabat na sa 45,000.00 o di mukubos sa 540,000.00 nga bill kada tuig. Samtang anaa lamang sa 100,000.00 kada tuig ang gitaganang budget sa maong hawanan.
Giluwatan usab ni Diluota nga temporaryo lamang ang kangitngit nga masinati sa mga apektadong residente. Tugod kay ilang panigkamutan nga sa unang pag-abli sa session paga pangitaan nila kini og hinanaling aksyon. - Andrew tabugoc

Kalayaan News team, Nakighiusa sa unang Tuig sa Magiundanao Massacre

Kauban ang ubang personahe sa Media, personal nga mitambong og nakighiusa ang kalayaan News & Public Affairs Team sa paghinumdom sa unang tuig sa nahitabong Maguindanao Massacre didto sa Brgy Salman, Ampatuan, Maguindanao.
Daghang katawhan, Media Organizations, og NGO's ang mihatag suporta sa maong kalihukan. Gipahigayon ang usa ka program didto mismo sa Massacre site. Gibasa ni De Lima ang Unod sa sulat gikan kang President Noynoy isip mensahe alang sa mga pamily a og katawhan. Lakip na sa naghatag sa ilang suporta si DOJ Sec. Leila De Lima, Rep. Satur Ocampo, og si Maguindanao Gov. Ismael Mangudadatu. Pagkahuman niini mao ang Interfaith Prayer kauban ang mga nabiling pamilya.
Nagpalupad usab og puting lobo og kalapate ang pamilya, timaan sa paghinumdom sa ilang mga minahal nga nanahimong biktima.
Ang maguindanao Massacre nahitabo niadtong tuig 2009 kung diin 58 ka mga indibidwal ang nakabsan sa kinabuhi apan 57 lamang ang narecover, 32 niini ang myembro sa medya.

Operation Linis sa Mercado, Gipahigayon

Hinlo og hapsay nang tan-awon ang fish and Meat Section sa Mercado ning lungsod. Human gipahigayon ang Operation Linis sa mga suok og agianan sa tubig sa maong dapit, niadtong miaging adlaw. Gipangunahan ni acting mayor Ricky cua ang maong pagpanghinlo sa tugon usab sa ni Mayor Rudy Caoagdan nga kasamtangang tua sa kaulohan.
Gipaabot ang maong reklamo sa opisina sa mga natungdan, nga matod pa dugay nang hangyo sa nga nagpakabanang katawhan nga malimpyohan tungod kay wa nay kadulngan ang muagas nga tubig. Malampuson usab kini sa dakong tabang nga gihatag sa Bureau of Fire.
Matod ni Cua may monitoring nang pagabuhaton sa lugar aron mapadayon ang kahinlo niini. Og hangyo niya sa mga nanag-iya niini nga mag-gahin og oras sa pagpanghilo atbang sa ilang mga pwesto. - Andrew Tabugoc

Estudyante Biktima sa Pagpamusil sa Brgy Kisante

Nanahimong biktima sa pagpamusil ang usa ka estudyante og lumulopyo sa brgy Kisante ning lungsod. Nailhan ang biktimang si Arce madon, 18 anyos nga kasamtangang grade 6 student sa Kisante Elem. School. Samtang ang suspetsado mao si Leon Dumanda, nga usa ka CAFGU member og lumulupyo sa brgy New Esrael. Gigamit niini ang di pa matinong klase sa armas.
Matod kang Martin Dumanda igsoon sa suspek, nananghid kuno kining biktima kauban ang 3 ka mga klasmates nga mag-inom sulod sa ilang panimalay sa Bgry New Estrael. Tungod kay bayaw kini niya. Og sa nahubog na kini, nagmaoy ang biktima hinungdan nga nakuyapan ang tag-iya nga si Martin. Og dinhi na misulod ang igsoon niining si Leon og gipusil ang nagmaoy nga si Arce.
Naigo ang biktima sa liog nga bahin og daling gidala sa Kidapawan Medical Specialist Center. Samtang daling misibat sa di tinong direksyon ang suspek. - Andrew Tabugoc

Paty'ng lawas sa Lalaki, Nakit-an Sulod sa Iyang Panimalay

Usa ka residente ang nakitang patay sa iyang mga silingan sulod sa iyang panimalay, banda alas unse kagapong adlawa. Kini mao si Camilo Fajado, 74 anyos, og usa ka retiradong Gov't employee. Nga matod pa, nagpuyong nag-inusa sa maong puloy-anan sa Purok 11, Poblacion, Makilala.
Matod sa silingan niining si Ansen Bonso, halos 4 ka adlaw nang wa nakita ang biktima gawas sa iyang puloy-anan. Og nadistorbo sila sa nangalismaw nga baho palibot sa lugar. Og sa dihang ila nang giablihan ang balay niini, nakita nila ang lawas nga anaa na sa state of decomposition. Samtang dali nilang gipabalo ang natungdang pamilya og mga otoridad.
Natural death o cardiac Arrest ang nakitang motibo sa maong kamatayon. - Adrew Tabugoc

2011 Annual Budget Aprobado na

Aprobado na sa konseho ang annual budget sa lungsod alang sa tuig 2011. Gipresentar kini sa hawanan sa konseho pinagi ni committee on Budget and finance Chairman Coun. William Apostol, kagahapong adlawa. Mukabat sa 113,549,190.00 ang mamahimong General fund nga naggikan sa buhis og external sources.
Dakong bahin nii ang maadto sa personal Services nga 43% o 49 milyon, Economic Development Fund 26% o 29,782,157.00, og Maintenance & operating Expenses nga 15.17% o 17,227,738.00. Samtang anaa lamang sa .03 % o 38,000.00 ang pundong itabang sa Brgy.
Sa Pikas bahin, anaa usab sa 8,365,000.00 nga ibubo sa Economic Enterprise and Management o sa lokal nga merkado. Kung diin pagabahinon kini sa Personal Services nga hapit upat ka milyon, Maintenance and operating Expenses nga sobra 17 Milyon og pagabayarang loan nga 3 milyones.
Matod kang Apostol, lakip sa na aprobahang budget ang pagtagana og 25 milyon alang sa pagpakusog sa Flagship Program sa kasamtangang administrasyon. Kini sa tumong nga hatagag maayong was damlag ang katawhan sa Makilala. - Andrew Tabugoc

Marijuana Users sa Purok Pilinut Malasila, Positibo

Giangkon ni Rochan Madasig, Youth president sa Purok Pilinut Malasila nga may nadawat syang mga sumbong mahitugod sa mga kabatan-unang gagamit og mariuana sa ilang dapit. Kinin human sa rekalmong gipaabot sa Kalayaan Patrol nga daghang kabataan ang gabuhat sa maong aktibidad.
Gitin-aw ni Madasig nga ila nang naimbitahan ang maong indibidwal sa brgy level sa mga niagi pang mga bulan. Apan wala sya makasiguro nga nagbag-o na ba ang maong mga indibidwal. Dugang ni Madasig nga lig-on ang ilang organisasyon sa maong dapit hinungdan sa daling aksyon sa naasoy nga suliran. Karong adlawa iyang paningkamutang matapok ang tanang myembro niini aron mahisgutan ang problema sa droga. - Andrew Tabugoc

Vice mayor Cua, Hugot ang Suporta sa Pagtubag Reklamo sa Katawhan

Hugot ang suporta sa bise-alkalde ning lungsod sa paghatag alibyo sa gisang-at nga reklamo sa katawhan sulod man o gawas sa iyang opisina. Kini human niya madungog ang mga sumbong sa lumulupyo ning lungsod sa pipila ka mga kakulangan sa natad sa serbisyo.

Gipunto ni Cua may mga ordinansang ga exists apan giangkong kulang sa implementasyon. Sama na lamang sa pagregulate sa internet Cafes og Videokehan. Lakip na ang paglimpyo sulod o atbang sa mga istablisyemento sa mercado nga matod pa responsibilidad na sa mga nanag-iya sa pwesto pinaagi sa ordinansang gisang-at ni Coun. Lingling Cruz.

Ang ordinansa sa videokehan namugna niadto pang tuig 2005, kung diin gikinahanglang ang mga videoke stablishments sarado og dili makahatag distorbo sa silingang establisyemento. Lakip na dinhi ang distansya sa mga lumulupyo sa lugar. Apan daghan gihapong videokehan ang wa musonod sa maong ordinansa.

Sa pikas bahin, matod sa bise Mayor nga may mga regulasyon sa pagpadagan og internet cafes, sama na lamang sa dili pagpasulod sa mga estudyante gikan alas 7am-12sa udto og ala 1-5 sa hapon. Apil na dinhi ang pagdili sa phornography sulod sa Internet Cafes og dili pwedeng mag-operate sa 24 oras. Kini human ang reklamong may pipila ka Internet cafes sa lungsod nga nagapasulod og mga kabatan-unan sa oras sa klase.

Nagsaad si Cua nga iyang ipaabot ang maong mga sumbong ngadto sa opisina sa mayor aron sa tukmang aksyon. - Andrew Tabugoc

Bird Sanctuary, Posible na sa Lungsod

Wala nay makalangan pa sa gidusong ordinansa ni Coun. Pedro Ang. Kini ang ordinansang magadeklara sa tibuok lungsod isip Bird Sanctuary og maamuma sa palibot. Gipahigayon ang public hearing kagahapong adlawa sa Rooftop sa municipal hall ala una sa hapon. Gitambongan kini sa mukabat 60 ka tawo gikan sa nagkadaiyang sector sa atong katilingban. Lakip na ang mga Brgy Officials og Tribal Chieftains.
Ang maong ordinansa magapanalipod sa pag-abuso o pagpanakop sa mga langgam ning lungsod. Sa tumong nga padaghanon ang ihap niini og maanad sa presensya sa katawhan.
Matod ni Ang, ang langgam simbolo sa maayong kahimtang sa atong palibot. Maong ngayan nga taga-ag proteksyon. Madugang sa maong ordinansa ang pagdili sa pagpanguha sa salag lakip na ang pagpanghilo, nga kasamtangang nagakahitabo. -Andrew Tabugoc

Coun. Fortajada, naghatag na sa Iyang Reaksyon Mahitugod sa Pigery sa Iyang Gingsakupan

Naghatag na sa iyang reaksyon si incoming Chairman sa Brgy Malasila nga si Irvin Fortajada. May kalambigitan sa gisang-at nga rekalamo may kalambigitan sa pigery sa ilang lugar, likod lamang sa ilang panimalay.

Matod kang Fortajada, ila na kining naaksyonan kaniadto sa brgy level sa panguna ni brgy Captain Ilid. Og nabisitahan na ang maong lugar sa Rural Health Unit ning lungsod. Gikumperma usab kini ni Sanitary Inspector 2 Irvin de Leon, wala kuno silay nakita niaadtong higayuna nga iregularidad sa maong lugar hinungdan nga nagpadayon ang maong pigery. Maghulat lamang kuno sila sa rekomendasyon gikan sa maong Brgy bag-om sila makahatag og aksyon.

Apan sa kasamtangan aminado si Fortajada nga may nadawat na siyang reklamo mahitungod sa maong suliran. Iyang na kunong naistorya ang tag-iya nioini og paningkamutan nga matabunan ang septic tank sa naasoy ng pigery. Hangyo niya sa katawhang apektado nga hulaton na lang ang Pebrero. Tugod kay sa kasamtangan di pa pwedeng ma dispose ang buhing mga baboy. Og saad nini sa katawhan nga kining maong suliran ang uilang unahon paghisgot sa una nilang paglingkod karong Dec. 1. - Andrew Tabugoc

Kampeon sa Dance Mania 2010, Sulod sa Weekly finals sa Showtime

Sulod sa weekly finals sa Showtime ang Shadow machines. Grupo sa mga dancers gikan sa Mlang, Cotabato. Human madaog ang groupo sa Dance Competition show na Showtime.
Dinhi napakita ang talento sa mga kabatan-unan gikan sa atong probinsya. Og paghatag dungog sa mga katawhan sa Mindanao.
Ang shadow machine, nanahimo usab nga mananaog sa gilunsad sa Freedom radio Makilala nga Dance Mania niadtong bulan sa Hulyo dinhi sa lungsod. Malantawan ang ilang performance karong buntag sa telebisyon. - Andrew Tabugoc

2 ka mga Residente sa Lungsod, biktima sa Carnapping

2 ka mga motorsiklo ang gibitbit sa mga carnappers karong simanaha. Ang unang biktima mao ang XRM 125, color blue nga may plakang 6411MK nga gipanag-iyahan ni Alva Gaspe residente sa Brgy Malasila. Human gikawat kini mismo samtang naka parking sa ilang grahian niadtong Lunes.
Ang ika duha mao si loreto diazon Jr, nagapanag-iya usab og XRM 125, color itom og may p[lakang MC 9774. Samtang nakaparking lamang kini atubangan sa usa ka establisyemento niadtong Myerkules. Pahimangno karon sa mga otoridad nga padayong mahimantayon sa palibot. - Andrew Tabugoc

Paggamit sa Mariuana sa Purok Pilinut Malasila, Positibo

Giangkon ni Rochan Madasig, Youth president sa Purok Pilinut Malasila nga may nadawat syang mga sumbong mahitugod sa mga kabatan-unang gagamit og mariuana sa ilang dapit. Kinin human sa rekalmong gipaabot sa Kalayaan Patrol nga daghang kabataan ang gabuhat sa maong aktibidad.
Gitin-aw ni Madasig nga ila nang naimbitahan ang maong indibidwal sa brgy level sa mga niagi pang mga bulan. Apan wala sya makasiguro nga nagbag-o na ba ang maong mga indibidwal. Dugang ni Madasig nga lig-on ang ilang organisasyon sa maong dapit hinungdan sa daling aksyon sa naasoy nga suliran. Karong adlawa iyang paningkamutang matapok ang tanang myembro niini aron mahisgutan ang problema sa droga. - Andrew Tabugoc

Drug-Free brgy, handom sa Mayor ning Lungsod

Handom sa mayor ning lungsod ang pagpawala sa mga ginadiling droga sa sulod sa mga brgy. Kini ang gilyuwatans a mayor sa miaging ABC turn-over, nga gitambungan sa mga brgy Chairmen. Sa maong higayon, iyang gitahasan ang matag brgy chairman nga ipakita ang ilang hugot mga kampanya kontra illegal drugs.
Kini hagit sa tinuuray nga serbisyo alang sa mga katawhang apektado niini. Handom usab sa mayor nga mamahimong responsablen ang mga naasoy nga opisyal sa pag-alagad sa katawhan. - Andrew Tabugoc

BDS COOP, 90 Porsyento na sa Lungsod

Anaa na sa 90 porsento ang naorganisa nga Brgy Defence System Cooperative sulod sa mga brgy sa lungsod. Kini ang giluwatang pamahayag ni Lt/Col Antonio Ariba, tigpamaba sa task Force Bayanihan. Sa kasamtangan padayon gihapon ang ilang kampanya sa pagtukod niini sa nagpabiling bgry. Kini bisan pa sa nahitabong pagpamusil patay sa usa ka chairman sa maong organisasyon sa Batasan ning lungsod.

Sulod karong semanaha, nakapahigayon na og induction sa mga opisyalis niini sa 7 ka mga brgy. Gitin-aw usab ni Ariba, nga panaghiusa og kalinaw ang ilang tumong og dili kagubot. Og kini kuno ang nasabtan sa daghang katawhan maong hugot ang ilang suporta niini. - Andrew Tabugoc

BDS COOP, 90 Porsyento na sa Lungsod

Anaa na sa 90 porsento ang naorganisa nga Brgy Defence System Cooperative sulod sa mga brgy sa lungsod. Kini ang giluwatang pamahayag ni Lt/Col Antonio Ariba, tigpamaba sa task Force Bayanihan. Sa kasamtangan padayon gihapon ang ilang kampanya sa pagtukod niini sa nagpabiling bgry. Kini bisan pa sa nahitabong pagpamusil patay sa usa ka chairman sa maong organisasyon sa Batasan ning lungsod.

Sulod karong semanaha, nakapahigayon na og induction sa mga opisyalis niini sa 7 ka mga brgy. Gitin-aw usab ni Ariba, nga panaghiusa og kalinaw ang ilang tumong og dili kagubot. Og kini kuno ang nasabtan sa daghang katawhan maong hugot ang ilang suporta niini. - Andrew Tabugoc

Election Protest ni Carta vs Molina, Gidungog sa Korte

Gidungog sa unang higayon ang election protest sa brgy Poblacion, nga gisang-at sa Municipal Trial Court ning lungsod, niadtong Myerkules Nobyembre 17 tuig kasamtangan. Sa sala ni Judge Mondragon nag-abot ang protestant nga Greg Carta kauban ang iyang abugadong si atty Chritopher Cabelin. Og ang kaatbang niining protestee o ang ginaprotestahang si Brgy Chairman Rene Molina, kauban usab si atty Francis Palmones.

Nagduso og motion to expunge ang protestant o si Carta aron baliwalaon ang tubag sa protestee. Kini tungod sa paghatag sa reponse pinaagi sa pag mail og dili personal nga pag-abot sa maong sulat kang Carta gikan sa protestee. Tin-aw kuno nga basehan ang nalatid sa Rule 2, Section 4, nga gikinahanglang personal nga ipaabot sa ginareklmo o protestee ang sulat nga tubag sa usa ka election protest. Tungod niini gihatagan og 5 ka adlaw ang protestee aron tubagon ang mosyon nga gisang-at sa ilang kaatbang. Og laing 5 ka adlaw alang sa protestant sa paghatag komento sa nanahimong tubag niini, bag-o kini madesisyonan sa korte.

Kung mupabor man ang korte sa mosyong gisang-at sa protestant. Ang mamahimong dagan na lamang sa pagdungog mao na lamang ang pagpaminaw sa mga witnesses gikan sa protestant. O kawangan niini ang protestee nga mupresentar sa ilang mga testigo og Mamahimo na lamang maminaw o observer sulod sa korte hangtod mahuman ang kaso.
Gitakda ang sunod nga pagdungog karong umaabot nga December 8, sa musunod nga bulan. -Andrew Tabugoc [Aired 18, 2010]

Turn-Over ni Coun Orbita og Romero isip ABC Chairman, Gipahigayon

Gitunghayan sa daghang mga brgy chairman ang pormal nga turn-over sa posisyon isip Presidente sa ABC o Association of Brgy chairman ning lungsod. Pinaagi ni outgoing Abc President Dodong Orbita og sa muhulip niining si kapitan Elfredo Romero sa Brgy Sto Nino, nga maoy Vice chairman sa maong assosasyon. Nanumpa si Romero atubangan sa Mayor ning lungsod.

Gitambungan usab kini sa mga municipal Councilors, AFP og mga pamilya sa mga naasoy nga opisyal. Naghatag usab sa ilang mga mensahe sila Mayor Rudy Caoagdan, Vice Mayor Ricky Cua, og 57th IB Coimmander Benjamin Hao.

Matud kang Romero dakong garbo kini alang sa mga taga Sto Niño nga gikan sa usa ka gamay'ng Brgy ang bag-ong ABC Chair. Nga mulingkod na isip usa ka Municipal Councilor sa Makilala.
Si Romero milingkod isip usa ka Brgy treasurer sulod sa 3 ka tuig, og nanahimong secretary sa 8 ka tuig bag-o nanahimong Bgry chairman. - Andrew Tabugoc

DESPIDIDA PARTY KAY LT.COL BERNIE LANGUB MATAGUMPAY

Matagumpay ang naging despidida party ng outgoing commander officer ng 57th IB na si Lt.Col Bernie Langub. Ito ay handog ng Makilala LGU sa pangunguna ni Makilala Mayor Rudy Caoagdan, bilang pasasalamat sa malaking naiambag nito sa kanyang political sulotions. Idinaos ang nasabing okasyon kagabi ika 9 na araw ng Nobyembre taong kasalukuyan. Kung saan Nagsimula ang naturang pagdiriwang alas syete ng gabi.

Naging masaya ang despidida para kay Langub sapagkat nagpakita ng buong suporta ang mga myembro ng 57th batallion. Naroon rin ang presensya ng mga lokal na opisyales ng Makilala na pinangunahan ng Mayor ng Lungsod Rudy Caogdan. Nagbigay ng kanilang mga surpresang mensahe via phone sina Gov. Emmylou Mendoza, 1st District at former Gov. Susing Sacdalan at Kidapawan City Mayor Rodolfo Gantuangco.

Sa naturang okasyon para ky Langub pinasalamatan rin nya ang taos pusong suporta na ipinadama ng kanyang pamilya. Partikular na ang kanyang butihing may bahay na si Grace Langub.

Para kay Langub hindi umano nya lilisanin ang pamumuno at pagtulong sa 57th IB sahalip mas pinalawak lamang umano ang kanyang liderato sa pagtulong sa panibagong grupo ang 38th IB.

Giit pa ni Langub na ang mga serbisyong kanyang nasimulan sa 57th IB ay patuloy pa rin sa tulong ng bagong mamumuno sa ngalan ni Col. Benjamin Hao. Dagdag pa ni Lt.Col Langub na wala syang nadaramang tensyon kay Hao, komportable sya na sa liderato ng bagong commanding officer ay magagampanan ang kanyang mga adbokasiya para sa mga mamamayan. Kim Angas [Aired Nov. 10, 2010]

Protesta para Recount sa Usa ka Kandidato, Gitutukan sa mga Lungsoranon

Tutok karon ang katawhan sa tibuok lungsod sa gisang-at nga protesta sa usa ka napilding kandidato isip kapitan sa Brgy Poblacion. Giduso ni Greg Carta ang maong kaso isip protesta sa napahigayong piniliay niadtong Oktubre 25, tuig kasamtangan.

Unod samaong protesta ang pipila ka mga naobserbarang irregularidad. Sama na lamang kuno sa pagpamalit og boto sulod mismo sa eskwelahan panahon sa butuhan. Lakip na sa reklamo ang mga Board of Election Teller nga matud pa paspas mubasa, mali ang pagtally, og pagsulti sa pangalan sa iyang kaatbang bisan pa man nga wala kuno kini nalatid sa balota. Pipila lamang kini ng punto sa ilang gipasakang reklamo, apan daghan pa.

Gisumite ang maong election protest niadtong Nobyembre 4, ulahing adlaw sa pafile og protesta sa eleksyon. Pirmado kini ni Gregorio Carta nga mao ang protestant, og nanotaryohan ni atty Gary Vergara sa parehong adlaw.

Sa katibuk-ang ihap sa mga butante sa Brgy Poblacion. Sa pagka brgy kapitan nagbangi ang ilang botu sa musobra usa ka libo. Base sa opisyal nga resulta sa Comelec si Carta adunay 930 votes, samtang ang gireklamong naproklama isip mananaog nga si Rene Molina, adunay 1,995 votes. Andrew [Aired 12, 2010]

Suspeks sa Pagpanglugos sa Garsika Misibat, Kaso Batok Kanila Gisang-at na sa Korte

Wala na sa ilang mga panimalay ang gitudlong suspek sa nahitabong pagpanglugos sa usa ka minor de Edad sa Brgy Garsika ning lungsod. Kini ang giluwang pamahayag sa pamilya sa biktima sa Kalayaan Patrol. Silingan lamang nila ang suspek nga ig-agaw mismo sa biktima. Samtang anaa na sa normal og maayo ang kahimtang sa dalaga.

Matod kang Municipal Social Welfare acting head Lina Cañedo, nagpadayon gihapon ang ilang monitoring og pagbisita sa pamilya. Og mutabang ang ilang opisina sa pagpadagan sa teknikalidad sa gisang-at nga kaso. Lakip na ang tabang pinansyal sa galastuon sa niini.

Sa kasamtangan anaa na sa Regional Trial Court ang kasong Rape kontra kang Julius Lumanit, ulitawo nga taga Brgy Garsika. Og ang kauban niining si Eddie Itol, minyo og residente sa Brgy New Cebu. Matod kang Kapitan Enggalla sa Brgy New Cebu, nga wa na nila makita ang suspek sa ilang lugar og pamilya na lamang niini ang anaa sa ilang panimalay.

Gipasaka ang kaso niadtong ika-dise nwebe sa Oktubre o desesyete ka adlaw human ang maong pagpanglugos. Sa inisyatibo ni Makilala PNP Womens Desk Officer Sheila Layos. Apan sa kasamtangan, ginahulat pa ang mapiling mugunit nga prosekusyon sa kaso. Andrew [Aired 12, 2010]

Makilala Mayor, Mapasalamaton sa Dakong Tabang sa Outgoing Commanding Officer sa 57th IB

Mapasalamaton ang Mayor ning lungsod sa dakong tabang nga nahatag ni 57th IB outgoing Commander Bernie Langub. Kini mao ang pakigtambayayong sa maong batallion sa pagpahigayon sa mga proyektong giduso ngadto sa kabaranggayan. Partikular niini mao ang paglunsad sa flagship program sa bisan asang brgy.
Matod ni Caoagdan, talagsahon lamang kini nga panghitabo kung diin ang militar nanahimong katambayayong sa lokal nga panggamhanan sa tumong nga kalamboan sa atong lokalidad. Kung diin giluwatan usab ni Langub, nga kini mao ang bag-ong pamaagi alang sa kahiusahan ug paglambo. Sukwahi sa lakang nga paggamit og armas.
Og niadtong miaging gabii, gihatagan sa Mayor og pahidungog ang mabalhin nga opisyal isip pasalamat gikan sa katilingban. Si Lt/Col Langub nagsugod sa serbisyo niadtong tuig 1989, nahimo siyang kabahin sa Special Forces, og Scout Ranger, bag-o nanahimong Batallion Commander. S'ya nangulo sa 57th IB sa 1 tuig og 5 ka bulan, og gitakdang pormal nga mabalhin karong adlaw'ng Sabado isip Commanding Officer sa 38th IB, nakabase sa Awang, Cotabato City. Andrew [Aired 11, 2010]

RHU Makilala, Aminado sa Gisang-at nga Reklamo Mahitungod sa mga Ladlad ng Isda sa Mercado

Aminado karon ang Rural Health unit ning lungsod nga may nadawat na silang reklamo. Kini mahitungod sa pagsagol og anyel sa mga isdang baligya sa pipila ka mga fish feedlers sa mercado ning lungsod. Ginabuhat ang maong pamaagi aron makitang hamis, sinaw, og preskong tan-awon ang disply'ng isda sa mga feedlers bisan pa man sa kadugayon na niini.
Matod kang Sanitary Inspector 2 Irvin De Leon, ila nang naaksyonan ang maong reklamo niadtong niaging tuig og iya nang nameeting ang mga feedlers. Apan karon wa niya damha, nga may reklamo na usab mahitugod sa maong aktibidad.
Giangkon sa opisyal nga di nila madali og kulang sa gamit ang ilang opisina hinungdan nga dili sila makapahigayon og water sample testing. Nga sulod lamang sa usa ka oras gikinahanglang nasalang na sa pagsusi ang maong tubig. Og ang pinakaduol nga pagahigayunan niini nga may tukmang pasilidad, mao ang USM Kabacan.
Alang kang Market Enterprise officer Nonoy Anhao, ang pagkuha lamang sa sample ang ilang ikatabang sa maong reklamo. Pwera lamang kung may personal nga magpasaka og formal complain sa ilang opisina. Sa kasamtangan, gitipon na ni Irvin De Leon ang mga feedlers aron pagahisgutan ang kamatuod sa maong isyu. Kini human masibya ang maong mulo sa Kalayaan Patrol. Iya usab giklaro nga ang mga fish feedlers o isdang ginaladlad panahon sa Market Day lamang ang gisang-atag reklamo. Andrew [Aired 11, 2010]

MKWD, Gisalang sa Konseho sa Lungsod, Problema sa Supply sa Tubig Gitubag

Mitambong sa sesyon sa konseho ang mga personahe gikan sa Metro Kidapawan Water District. Gitin-aw sa maong ahensya ang mga pagutana may klalambigitan sa supply sa tubig sa ilang ginaserbisyohang brgy.
Sa ilang pagpasabot, naapektuhan ang supply sa tubig tungod sa milabay nga 6 ka bulan nga El Niño. Kung diin sa unang higayon miabot sa 36% redution production ang Puwagan Springs sa Brgy Batasan ng amaoy naginusa og kasamtangang source sa tubig.

Hinungdan usab niini ang pagkawala sa mga punuang kahoy palibot sa maong water shed.
Ug isip kasulbaran sa problema, padayon gihapon ang ilang inisyatibo sa pagpangita og alternatibong water source sulod sa lungsod. Lakip na dinhi ang padayong ginapahigayong konstruksyon sa 600 cubic reservevoir sa Brgy Poblacion. Matod sa mga personahe, makatagamtam na og 24hrs water supply ang lungsod karong Marso sa musunod nga tuig.
Kini mao ang pamahayag nila MKWD General Manager Madam Stella G. Anima, asst Manager for operations Engr. Alqueza, og si Division Managers for Production & Water Quality engr. Condez. Andrew [Aired 10, 2010]

Pagpusil Patay sa Usa ka Residente sa Brgy Batasan, Nasaksihan sa Iyang Anak

Gipusil ang BDS o Brgy Defense System President sa Brgy Batasan ning lungsod. Kini mao si Dennis Libre, 47 anyos nga dead on the spot sa naasoy nga krimen. Nahitabo ang maong pagpamusil niadtong adlaw'ng Byernes pasado alas 5 sa hapon, samtang pauli na ang biktima kauban ang iyang anak.

Matod kang Denis ang kaubang anak sa biktima, nasugatan nila ang 2 ka mga suspek tunga sa dalan, og dayong gipangutana ang pangalan sa iyang amahan. Pagtubag sa biktima dali silang gipadapa og sa ikatulong higayon gipabuthan na kini. Gipadagan sa usa ka suspek si Dennis aron dili pagadamayon. Matud kang Dennis gamit sa mga suspek ang usa ka 45 og 9mm pistols.

Dugang sa 23 anyos, dili nya ilado ang mga responsible ug unang higayon pa niya kining nakita sa lugar. Nakita sa biktima patayng biktima, ang 3 ka samad pinusilan sa likod og walang bahin sa ulo. Lain pa ang 5 pinusilan niini sa lawas, og 2 sa braso.
Daling miresponde sa naasoynga panghitabo ang Makilala PNP og 57th IB nga nagpahigayon og SOP niadtong higayuna.

Base sa record sa pulisya, nakakuha sila og 5 ka mga empty shells sa 9mm pistols. Apan dili pa nila masuta kung naggikan kini sa 2 ka unit nga pusil og anaa na sa crime laboratory sa Kidapawan City alang sa pagsuta.
Matod kang Mrs Fe, asawa sa biktitma nga walay laing dakong anggulo sa kamatayon sa biktima. Kini matod pa ang paglingkod niini isip BDS chairman nga matod kang Mrs Fe, daghan ang nasakit sa iyang asawa lakip na sa pagkamugna sa maong kooperatiba. Apan sa kasamtangan wa pa nagpagawas og opisyal nga pamahayag ang

Gibyaan sa biktima ang 4 niyang mga anak. Sila Yang-yang 24 anyos, Den-den 23, Dodong 7 og kinamanghuran niining si Inday 4 anyos. Singgit karon sa pamilya ang hustisya, og panawagan sa mga otoridad alang sa hinanaling kasulbaran sa panghitabo. Andrew [Aired 09, 2010]

Kalayaan News Patrol Team, Lehitimong Myembro na sa NUJP Cotabato chapter

Lihetimong myembro na sa National Union of journalists of the Philippines Cotabato Chapter ang mga anchors og reporters sa Freedom Radio. Kauban ang mga media gikan sa ubang dapit sa probinsya.s Gipahigayon ang panagtigum dungan sa Induction of officers niadtong adlaw'ng Sabado, Nobyebre sais didto sa dakbayan sa Kidapawan.
Gipangunahan kini ni NUJP Secretary General Ms. Rowena Paraan. Kung diin iya usab gipasabot sa tanang myembro sa organisasyon nga mamahimong mas Propesyonal, mas ethical og mas kritikal sa pagpahigayon sa buhat isip medya. Dugang ni Paraan, nga walay makapugong ni kinsa man sa medya sa pagpagawas sa impormasyong angay mahibal-an sa katawhan. Matud kang Paraan nga ang Gawasnong Pagsibya, mao ang gawasnong kahibalo sa komunidad sa mga isyong angay utingkayon og angay nilang mahibaw-an.

Anaa usab sa maong higayon sila Sr/inp Joyce Birrey sa North Cot PNP, Vilma Gonzales sa Watch Kidapawan, Ruby Padilla Sison sa Gabriella, Boy Manangkil representante ni Governor Emmylou Mendoza, og si Congresswoman Nancy Catamco. Andrew [Aired Nov. 09, 2010]

BDP Consultation, Malampusong Gipahigayon sa Brgy Batasan

Malampuson ang gipahigayong konsultasyon sa opisinahan Brgy Development Plan sa lungsod. Kung knus-a niadtong Hwebes natapos na ang 2 ka adlaw nga pakigtipon sa mga lideres sa nga sakop sa brgy batasan. Gi-imbitahan sa maong grupo ang mga purok liders, tribal chieftains, mga kasamtangan og bag-ong mulingkod nga brgy officials, og lider sa ubang organisasyon sulod sa maong kumunidad.

Gipangunahan kini ni BDP team leader Mr. Eddie Buenacosa kauban ang mga personahe gikan sa probinsya. Kini milangkob sa 5 ka mga engineers nga sila Engr. Virgabera, Lapacaran, macasait og Dinolan, apil usab ang 6 ka-mga agrviculturist sila Mrs. Bangcaya, Mendoza, Sapenia, magdadaro og Mr Bacres.
Matud ni Buenacosa, pinaagi sa actual og sayong pagbisita sa mga naasoy nga mga eksperto. Mas mapadali niini ang pagbuhat sa plano isip sulosyon sa mga galutaw nga problema. Lakip na dinhi ang pagpatukod og mga imprastraktura nga makahatag og dakong alibyo og kaayuhan sa lugar.

Ang BDP anaa ilalom sa Municipal Planning and Dervt. Council, og ahensyang suportado sa MRDP o Mindanao Rural Dev't Program nga ginapunduhan usad sa World Health Org (WHO). Andrew [Aired Nov. 09, 2010]

Induction of Brgy and SK Officials sa Brgy Saguing Gipahigayon, Mayor sa Lungsod Malaumon

Nagtigum kagahapong adlawa ang mga bag-ong piling brgy og SK o Sangguniang Kabataan officials sa Brgy saguing ning lungsod. Gipangunahan ni Makilala Mayor Rudy Caoagdan ang maong Induction. Malaumon usab ang Mayor nga mamahimong produktibo og aktibo ang mga lider sa kabatanunan sa pagpahigayon sa ilang mga umaabot nga aktibidad.
Og matud sa mga bag-ong lider nga dili nila pagasayangon ang higayong makalingkod isip usa ka tingog og modelo sa kabatan-unan. Tumong usab nila nga mahatagan og igong serbisyo, trainings ug edukasyon ang ilang mga gingsakupan. Andrew [Aired 09, 2010]

Selebrasyon sa Bulan sa Kabatan-unan, Malampuson

Malampuson ang gipahigayong aktibidad may kalambigitan sa selebrasyon sa bulan sa Kabatan-unan sa lungsod. Gipangunahan, sa opisinahan sa Municipal Social Welfare and Development, sa liderato ni MSWD acting Head Mrs. Lina Cañedo. Ang programa mao ang paghatag edukasyon sa mga ginikanan, Day Care Teachers, brgy Captains og uban pang mga opisyal. Kini mao ang Furom Input Programs for Children Laborer. Gipatin-aw ang maong hisgutanan sa mga personahe gikan sa Dept of Labor and Employment o DOLE.

Matud kang Cañedo usa sa mga sulirang giatubang karon sa lungsod mao ang pipilang ihap sa mga kabatan-onan nga gabatun na og responsibilidad sa pag panarbaho. Kung diin dili gayud angay ug tukma sa ilang pangidaron. Tumong sa maong programa ang pagpakusog sa BCPC o Brgy Council for the Protection of Children. Aron sa lebel pa lamang sa brgy mahatagan na og tukmang sulosyon ang problemang giatubang sa kabatan-unan.

Dako ang panghinaot ni Cañedo na mamahimong lig-on ang straktura sa brgy alang sa pag protektar sa daghang kabatan-unan. [Aired Nov. 04, 2010 6am]

Flagship Program Paga-ablihan na Pag-usab

Magapahigayon na pag-usab og launching sa Flagship program ang Lokal nga panggamhanan sa lungsod. Kini human temporaryong nahunong tungod sa milabay nga piniliay sa brgy apil na ang bag-o lamang nga Undas. Kini ang giluwatang pamahayag ni flagship Coordinator James Zamora.

Base sa report nga gipagawas sa ilang opisina anaa na sa 49% ang na comply niini sa pagpahigayon sa maong proyekto o may 109,950 na ang nahatag nga libreng rubber seedlings sa nagkadaiyang brgy. Miabot na usab sa tersentos trenta (330) ang mga nanahimong benipisaryo sa maong programa, og mukabat na sa dosentos kwarentay singko (245) ka ektarya na ang natamnan sa goma, halos katunga sa target niining kinyentus (500) ektarya karong tuiga. Matud kang Zamora, Mas paspas na usab ang pagpahigayon sa maong proyekto tungod kay mas sayo na ang pagpangandam sa mga lunang pagatamnan.

Lakip usab sa ilang gipaningkamutan mao ang pag paghatag og libreng seedlings sa kape kung diin nanahimo nang benipisaryo niini ang brgy New Esrael. Sa mukabat usa ka libo og saysentos ka mga punuan nga gitanom sa usa ka ektaryang luna.

Ang flagship program mao ang nag-unang proyekto sa kasamtangang administrasyon sa panguna ni Mayor Rudy Caoagdan. Pormal kining giablihan niadtong bulan sa Hulyo sa brgy Biangan. Kung kanus-a nanahimong bisita niini ang atong Gobernadora Emmylou Mendoza kauban si Cotabato 2nd Dist. Congresswoman Nancy Catamco. Kini usab usa ka proyekto sa pakigtambayayong sa provincial government sa panglantaw sa mas produktibo og sustinableng kahimtang sa katawhan. [Aired Nov. 04, 2010 6am]