Gastusin sa Dengue, Handang Tustusan ng PHILHEALTH

Gastusin sa Dengue, Handang Tustusan ng PHILHEALTH
Nagpalabas ngayon ng pahayag ang Philippine Health Insurance Program o (PHILHEALTH), may kaugnayan sa problema ng dengue cases sa bansa. Sa press conference na ginanap kahapon, siniguro ngayon ng ahensya na makakabayad ito sa tumataas na bilang ng degue cases.

Bumisita sa probinsya ang Presidente at CEO ng PHILHEATH na si Dr. Rey Aquino, na umaming naalarma sila sa sitwasyon ng dengue. At siniguro naman ng opisyal na makaka-avail ng mga benepisyo ang sinu mang myembro na ma confine dahil sa nasabing sakit.

Ayon kay Aquino, makakatanggap ang sino mang pasyente ng P500.00 na bayad para sa hospital room, P 4,200.00 para sa kinakailangang gamot, at dagdag na P3,200.00 para sa X-ray at laboratory exams at P1,200 para sa professional fee ng doktor. Basta’t nasa tertiary hospital ang pasyente.

Paliwanag ng opisyal, na pwede itong matanggap ng mga myembro sa 1,300 PHILHEALH accredited hospitals sa buong bansa. Siguradohin lamang ang mga kinakailangang papeles at pagbayad ng naa-ayon na kontribusyon sa ahensya. Sa unang anim na buwan ng taong 2010, nasa P191 Million na ang nabayad ng ahensya dahil sa sakit na dengue bilang tulong sa 24,585 indibidwal sa buong bansa.

Paalala naman ng opisyal na maging responsible sa pagsugpo ng dengue lalo na ngayong panahong tag-ulan. At suportahan ang 4S Laban sa Degue na kampanyang pinangngunahan ni Health Sec. At PHILHEALH Board Chair Dr. Enrique Ona.

Samantala ngayong Sabado, Oct. 2 gagawin ang massive registration ng Philheath. At dito sa lungsod ng Makilala ay gagamitin ang Makilala Central Elementary School sa isasagawang buong araw na pagpaparehistro. Kaya’t sa mga hindi pa myembro ng Philhealth ay magparehistro na nang ma avail ang serbiyong medical ng gobyerno. Bibit ng aktibidad ang katagang “Philhealth Sabado, MAgseguro, Magparehistro.” [Aired Sept 29] (Kalayaan Patrol news & Public Affairs Team) -Andrew Tabugoc

Coun. Ang , Acting Mayor sa Kasalukuyan

Natanggap na ni Coun. Ang, ang memorandum na nagtatadhana sa kanya bilang acting Mayor ng lungsod. Ang naturang Memo ay epektibo na mula kahapon Set.27 hanggang 29 ng taong kasalukuyan.

Wala ang executive head ng lungsod dahil sa pagtungo nito sa Luzon para sa isang Lakbay-Aral. Kasama ng Mayor ang lahat ng office heads at Sangguniang Bayan Members. Umalis ang mga naturang opisyal noong Sabado at inaasahang babalik ngayong Byernes, Setyembre a-Uno.

Inaasahan namang magdadala ng panibagong kaalaman ang mga sumamang opisyal sa layuning mapalago ang hanapbuhay at mapabilis ang pag-unlad ng lungsod. [Aired Sept 28] (Kalayaan Patrol news & Public Affairs Team) -Andrew Tabugoc

Problema sa Turismo at Basura, Nakaambang sa Makilala LGU

Naantala ang pagsasa-ayos o rehabilitasyon ng mga nasirang tanawin sa lungsod na minsang winasak ng nagdaang kalamidad. Particular ang Sang-Ngawan Hotpring sa Brgy. Batasan, na dating dinarayo ng mga taga ibang lugar at mga taga lungsod.

Sa panayam kay Municipal Environment & Natural Resources o (MENRO) Officer Engr. Walter Ruizo. Hindi umano sapat ang pundong inilaan ng municipyo para sa nasabing programa na nasa 400,000.00 pesos lamang. Ito sana’y layong mapalakas ang lokal na turismo.

Dagdag pa nito ang problema sa basura kung saan nasa Huling Warning na ang lungsod. Sa hindi pagsunod sa Economic Solid Waste Management Law (RA 9003). Na kapag naantala ay posibleng makakamulta ang lokal na pamahalaan na aabot sa 5-10 M peso. Ginagawan na umano nila ng sulosyon ang nasabing problema.

Hindi pa umano kaya ng lungsod ang open Landfill na kabila sa gagastosing 40-60M pesos ay nangangailangan pa ito ng malawak na espasyo. Mula sa paglabas ng naturang batas noong taong 2000, sa 1,600 LGUs sa buong bansa nasa 4% o 77 LGUs pa lamang ang nakacomply sa nasabing batas.

Una nang nagpresenta sa konseho ang Goldwin Manufacturing Laboratories Corp. sa kanilang teknolohiyang Zero Solid Waste Management and Livelihood Technology System. Ngunit nakaamba pa ito para sa approval ng konseho. [Aired Sept 24] (Kalayaan Patrol news & Public Affairs Team) -Andrew Tabugoc

Bagong Dumpsite ng Lungsod, Handa Nang Buksan sa Oktubre

Sinisimulan na ngayon ng Local Government Unit (LGU) Makilala, nag hakbang nito tungo sa pagsasa-ayos ng dumpsite ng lungsod. Bilang tugon na rin sa dumaraming basura na nakatambak sakasalukuyang dumpsite sa Brgy. New Cebu ng lungsod.

Ayon kay Municipal Environment and Natural Resources Officer Engr. Walter Ruizo, MAbubuksa na ang bagong dumpsite sa Brgy. Leboce bago pa sumapit ang ika-15 ng Oktubre ngayong taon. Ditto ay magpapatupad na ang naturang ahensya ng maigting na monitoring. Magkakaroon na umano ng separate areas ang pagtatapunan ng Biodegradadle, Non-Biodegradable, Recycle at Toxic materials.

Matatandaang unang naging puntirya ng Local Government na buksang dumpsite ang quary sa Brgy. Sinkatulan. Ngunit umalma nag mga resident eng lugar dahil malapit ito sa pinagkukunan nila ng malinis na tubig at marami ang residenteng namamahay malapit sa lugar. Dahilan, upang maantala ang pagkakaroon ng bagong pagtatapunan ng basura.

Patapos na paliwanag ng opisyal, hindi pa aniya masusunod ang sana’y alituntuning nakatala sa Economic Solid Waste Management Law (RA 9003), ngunit sa pamamagitan ng disiplinadong pamamahala ay umaasa s’yang maiibsan ang problema sa basura ng lungsod. [Aired Sept 22] (Kalayaan Patrol news & Public Affairs Team) -Andrew Tabugoc

Bagong Pacontest, Ilulunsad sa Lungsod

Natapos na ang pagbisita ng mga evaluators sa lahat ng brgy, noong nakaraang lingo. Ito ay kaugnay sa darating na selebrasyon ng ika 56 na anibersaryo ng lungsod sa susunod na buwan. Kung saan pipili ang Makilala LGU, ng magiging Outstanding Health Worker, Nutrition Scholar, Tanod, Day Care Teacher, at Outstanding Baranggay.

Nakabase ang ito sa kanilang serbisyo at programang naihatid sa mamamayan, naipasang ordinansa, seguridad, mga gamit pati na ang income generating projects. Ayon sa isang evaluator, nagisa ang ibang personahe ng brgy. sa hindi nakahanay na mga detalye ng kanilang naipatupad na proyekto at mga kinakailangang datos.

Samantala, Ito ang unang pagkakataon na magkakaroon ng gamitong pacontest ang Makilala LGU sa nakalipas na 56 na taon. Ang mananalo dito ay iaanunsyo sa darating na Oktubre a 10. [Aired Sept 21] (Kalayaan Patrol news & Public Affairs Team) -Andrew Tabugoc

Dalawang Bagong Ordinansa, Pumasa na sa Konseho

Naprobahan na sa katatapos lamang na regular na sesyon ng konseho ang dalawang sinalang na ordinansa, kahapon.

Ito ay ang Scholarship program for the poor but deserving students, na ginawa ni Coun. Carlito Cañedo upang bigayang pag-asa ang mga mahihirap na kabataang nais tumungtung sa eskwela. Ang pangalawa naman ay binuo ni Coun. Madonna Dizon ang Scholarship Program for the public and private highschool teachers to pursue their advance studies in their chosen areas of specialization.

Ayon kay Dizon, nagpulong na sila ng bagong Local School Board, noong nakaraang linggo kasama sina Central District Supervisor, Mr. Renato Corre, West Dist. Supervisor Mr. Alejandro Corre, SK Federation Chairman Hon. Von Quizon, East Dist Supervisor Jose Caparida, Teachers Assoc Pres. Rolando Valle, Makilala Central Dist. Rep Madam Lourdes Arellano, Makilala East Dist. Rep. Rosi Marie Prodenciado at PTCA Pres Rene Molina.

Magpupulong pa sila sa pangalawang pagkakataon ng School Board para sa pagsasapinal ng Implementing Rules and Regulation at nang mapunduhan na ang mga nasabing programa. Dagdag ni Dizon, iba umano ito sa nakagawiang scholarship na kailangang 83 pataas ang marka ng estudyante. Kung saan sa programang ito isa sa kanilang magiging basihan sa IRR ay ang interes ng isang aplikanteng mag-aral. Ngunit nilinaw rin ng opisyal na college students lamang na kukuha ng short term courses ang magiging benepisaryo nito.

Tinatayang abot naman sa 5M peso ang magiging paunang budget sa nasabing mga progarama. [Aired Sept 21] (Kalayaan Patrol news & Public Affairs Team) -Andrew Tabugoc

Reklamo ng KMM, Dadalhin na sa Sagguniang Panlalawigan

Dadalhin na umano ng Kilusang MAmbubukid ng Makilala o (KMM), sa Sangguniang PAnlalawigan ang reklamo ng grupo laban sa militar. Sa panayam kay Ms. Nida Delima, chairperson ng KMM, desmayado ang kanilang grupo sa naging kinalabasan ng kanilang hakbang sa Sagguniang BAyan at tugon ng militar.

Ito ay7 taliwas sa pahayag ni 1st/Lt. Andolong Durado, tagapagsalita ng 57th IB na nagkakakroon na sila ng Community Consulatations sa iba’t-ibang baranggay sa lungsod. Kung saan aniya, maraming baranggay pa rin ang mas ginustong manatili ang pwersang military sa sa mga pampublikong gusali tulad ng Brgy. Hall, Day Care Centers at paaralan.

Hindi sang-ayon si Delima sa naging hakbang ng military kung saan umano, hindi taga baranggay o myembro ng military ang nagpapaintindi sa bawat konsultasyon. At hindi umano sago tang konsultasyon, kundi ang mismong pull-out ng pwersa ng pamahalaan mula sa gov’t stablishments at sundin ang nakatala sa Saligang Batas.

Samantala, kasabay ng ika-11 Regular Session ng Saguniang Bayan ay napasa na bilang Resolusyon ang rekomendasyong pinalabas ng Committee on Peace and Order. Ito ay ang pagpapaalis ng sundalo sa mga gov’t facilities.pagbuo ng Invetigative body ng 39th at 57th IB para imbestigahan ang mga alegasyon laban sa kanilang mga myembro. Pagtulong Commission on Human Rights (CHO) upang beripekahan at imbestigahan ang mga pang-aabuso. Tulungan ng opisyal ng KMM ang mga nag-iimbestiga sa pagbigay ng mismong pangalan ng nagkasalang sundalo.

Ang rekomidasyong ito ay iniangat ng chairman ng komite na si Coun. Pedro Ang, na siya ring umupo bilang presider sa isinagawang pagdinig ng naturang reklamo noong nakaraang buwan. [Aired Sept 20] (Kalayaan Patrol news & Public Affairs Team) -Andrew Tabugoc

Mahabang Brown-out, Innireklamo ng Ilang Negosyante ng Lungsod

Makulimlim at tahimik ang buong araw ng lungsod, noong Sabado Setyembre 19.ito’y matapos ang halos 10 oras na pagkawala ng kuryente. Nagsimula ng brown-out alas 8 ng umaga at bumalik alas 4 na ng kinahapunan.

Una nang nagpalabas ng statement si Cotabato Electric Cooperative (COTELCO) Public Information Officer Felix Canja, noong nakaraang lingo. At ayon sa kanya na magkakaroon ng rotating brown-outs sa lalawigan at maging ang buong Mindanao. Bunga umano ng pagsasaayos ng Maramag-Bunawan Transmission Line.

Umalma naman ang ilang negoyante ng lungsod dahil sa hindi naanunsyong oras ng brown-out kung saan natuon pa ito sa working ta business hours.
Hiling nila ngaon, na matuon sa non-working hours ang pagkawala ng kuryente. Nang di maantala ang maraming Gawain at transaksyon sa araw. [Aired Sept 20](Kalayaan Patrol news & Public Affairs Team) -Andrew Tabugoc

Flagship Program, Inilunsad sa Brgy San Vicente

Kasabay ng selebrasyon ng ika-62nd foundation anniversary ng Brgy. San Vicente. Inilunsad sa nasabing brgy ang Flagship program ng Makilala LGU. Dinaluhan ito ng mga Dept. Heads ng munisipyo, Sangguniang BAyan, Purok Leaders ng Brgy, puisya at sundalo.

Pormal na binuksan ni Mayor Rudy Caoagdan ang pagtatanim kung saan, nasa 428 na bagong rubber seddlings ang itinanim sa mahigit 1.4 ektaryang lupa. Pag-aari ito ni Mrs. Lina Apolinario, na maluhang nagpasalamat sa sa local na pamahalaan. Labis namang ikinatuwa ni Brgy. Chairman Nestor Bautista, Ang pagdating ng naturang programa as kanilang brgy., na siguradong lubos na makakatulong sa kanyang mga nasasakupan.

Ayon kay Caoagdan, nasa 140 ektarya na ang naabot ng Makilala LGU mula sa paglunsad ng naturang programa noong Hunyo taong kasalukuyan. Patapos ng opisyal na iwasan na ang hidwaan at pamumulitika na nag-ugat pa noong nagdaang eleksyon at suportahan na lang umano ang kasalukuyang administrasyon. [Aired Sept. 25] (Kalayaan Patrol news & Public Affairs Team) -Andrew Tabugoc

DHW na taga-Lungsod Natagalan ang Pag-uwi at May Mali-Maling Detalye ng Pagkamatay, Otopsy ng Katawan Isasagawa Ngayong Araw

Mabagal umano, ang ahensya ito ang sinabi ni Faustino Pampangan, ama ng 25 anyos na DHW na namatay sa Amman, Jordan. Ito’y dahil sa matagal umanong nahatid ang bangkay ng biktima pabalik ng bansa.

Halos 2 buwan na palang patay ang kanilang anak sa Jordan. Huli na nang malaman nilang patay na si Janice Joy Pampangan, nang ibinalita ito sa kanila ng Deparment of Foriegn Affairs (DFA) noong ika 5 ng Agosto. At Umabot pa ng setyembre a 13 ang pagdating ng bangkay sa bansa.

Hindi magkatugma ang pinalabas na petsa ng pagkamatay ng biktima. Batay sa Notification for a death event ay June 21, sa mortuary certificate naman ay July 21, at sa Certificate of death ay July 22. Hindi naman umano naimbalsamo ang bangkay, taliwas sa dokumentong na pinadala sa pamilya na pirmado ni Mark Francis Hamog, ang Konsul ng Jordan. Kalakip sa mga dokumentong ito ang sanhi ng ikinamatay ng biktima, na respiratory and heart failure due to brainstroke.

Sa kontratang 2 at kalahating taon ay umabot ito sa 5 taon, bilang domestic worker o katulong sa amo nitong si Karem Swelen Nomier sa Amman, Jordan. Mula nang umalis ito ng bansa noong Setyembre ng taong 2005 ay wala umano silang maayos na komunikasyon sa anak. Batid rin ng pamilya na hindi binibigyan ng maayos at nararapat na sahod ang biktima. Huling nakontak si Janice noong Mayo ng taong kasalukuyan.

Ngunit giit ng pamilya na minaltrato ang biktima. Ito’y nag-iwan ng bakas sa iba’t-ibang bahagi ng kanyang katawan. Bakas ng pusas at gapos sa mga kamay at paa, mga pasa sa katawan at nangangayat na pangangatawan. Ilan lamang Ito sa kanilang nakitang bakas sa matinding pasakit na dinanas ng biktima. Wala umanong nababanggit na pagmamaltrato si Janice dahil katabi umano nito ang kanyang amo kapag nakikipag-usap sa telepono.

Samantala, Gagawin naman ang otopsi sa bangkay ng biktima ngayong araw, kung saan mismong si Gov. Emmylou Mendoza ang nagkumperma sa pagdalaw nito sa pamilya kahapon. Kasama ng Gobernadora ang myembro ng Sangguniang Panlalawigan.
Single mom at pangalawa sa tatlong magkakapatid, iniwan nito ang nag-iisang anak na si Apple Kate na nasa 5 taong gulang pa lamang. Nagtapos ng Computer Science at mas piniling manilbihan sa ibang bansa. Umalis ang biktima sa pag-asang maiahon ang pamilya at makatulong sa magulang.

Hustisya ang sigaw ng pamilya ng biktima kasabay ang paghahabol sa mga responsableng indibidwal. Nakaburol ngayon Ang labi ng biktima sa kanilang bahay as Brgy. Kisante ng lungsod. At nakatakda naman Ang libing ngayong Sabado Setyembre 25 sa nasabing brgy. [Aired Sept. 24] (Kalayaan Patrol news & Public Affairs Team) -Andrew Tabugoc

Fiscal Al Calica, Napahanga sa Ipinakitang Determinasyon ng Local Groups sa Natatanging Paggunita ng ika 10 Buwan ng Maguindano Massacre

Mataimtim na ginunita kagabi ng mga personahe galing sa iba’t-ibang sector ng probinsya ang ika 10 buwang comemorasyon ng malagim na Mguindanao Massacre. Ditto ay binalikan ng mga partisipante ang masaklap na sinapit ng mga nagging biktima ng nasabing karahasan.

Nagging mas makabuluhan ang nasabing commemoration sa pagdalo ni Fiscal Al Calica, ng Kidapawan City Prosecutor Office at isa rin sa mga abugado ng Magindanao Case. Napabilib ang Fiscal sa nagpapatuloy na aktibidad ng Media group sa probinsya particular sa lungsod ng Kidapawan. Kung saan ang nasabing grupo lamang ang nagtakda ngayong buwan ng pagbalik tanaw sa nangyaring trahedya.
Dito’y pinaliwanag ng Fiscal ang development sa kaso laban sa mga akusadong Ampatuan. Ayon sa kanya, sa 57 supetsadong nahuli 14 sa kanila ay sinasalang na sa pagdinig, na kung saan 11 ay pulis,2 CVO, at 1 sibilyan. Nakatakda naman ang muling pagdinig ng kaso ngayong Hwebes ng susunod na linggo.

Sa isinagawang pagtitipon naroon sina Ruby Padilla Sison ng grupong Gabriela, Icon PTS, NGOs, Peoples Organization, mga estudyante at mga media personels mula sa print at broadcast media. Ang aktibidad ay isang pagtitipung puno ng pag-asa at panalangin, na makamtan ang hustisya sa naging biktima ng Maguindanao Masacre.(Kalayaan Patrol news & Public Affairs Team) -Andrew Tabugoc

Militar Nagsasagawa ng Konsultasyon sa mga Baranggay ng Lungsod

Puspusan ang ginagawang information drive ng 57th IB sa mga baranggay ng lungsod. Ito’y patungkol sa pagdetina ng military personels sa mga baranggay. Kasunod ng reklamong pinaabot ng Kilusang Mambubukid ng Makilala (KMM) at Makilala Bagobo Association (MABA) sa konseho, noong nakaraang buwan.

Ayon kay 1st/Lt. Andolong Durado, tagapagsalita ng Batallion. Maraming baranggay ang mas ginustong manatili ang pwersang militar sa kanilang kumunidad. Pagkatapos ng ginawang kosultasyon sa publiko sa mga baranggay ng lungsod. Kasali na dito ang Baranggay Batasan kung saan nakatanggap sila ng reklamo mula sa grupong Gagmay’ng Mag-uuma. Sa 300 lumahok sa pagpupulong 8 lamang ang hindi sumang-ayon, tanda ng magandang relasyon ng sundalo sa nasabing baranggay.

Dagdag ni Durado, na responsibilidad na umano ng Baranggay Council ang pagpili ng lugar na lilipatan ng militar. At agad pagkatapos ng konsultasyon ay ililipat nila ang kanilang tauhan kung hindi man gusto ng karamihan ang pananantili nito sa pampublikong gusali. Ang deployment ng militar ay alinsunod sa programa ng Task Force Bayanihan nag awing katulong ang kanilang tauhan sa mga aktibidad na naglalayon ng pag-unlad.

Sa kasalukuyan, patuloy ang ginagawang kosultasyon ng 57th IB sa mga barangay. Panawagan ng opisyal sa mamamayan, isangguni ang mga sumbong ng pang-aabuso ng ilang myembo ng militar sa mga opisyal ng barangay upang mabigyang ng atensyon at magawan ng sulosyon. (Kalayaan Patrol news & Public Affairs Team) -Andrew Tabugoc

Mamamayan sa mga Baranggay, Nakiki-isa na sa Pagsugpo ng Illegal Logging

Nakikipagtulungan na ang kumunidad sa pagsugpo ng illegal logging. Ito ang inihayag ni Municipal Environment and Natural Resources (MENRO) Officer Engr. Walter Ruizo ng lungsod. Mismong ang mga mamamayan na umano ng mga baranggay ang nagbibigay ng report hinggil sa mga napapansin nilang iligal na pamumutol ng puno.

Tanda nito ang pagkahuli kahapon, ng isang Dominador alyas Bador, resident eng Sitio Kabuhoan, Upper Bala, Magsaysay, Dvo del Sur. Nahuli ang akusado ng mga baranggay tanod sa pangunguna ni Brgy. Chairman Gideon Bugoy. Habang aktong namumutol ng punong marang at hanagdong sa Sitio Badiangon, Baranggay Cabilao.

Wala umanong kaukulang permiso ang pamumutol nito ng mga nasabing puno. Nakuha sa posisyon ng akusado ang isang chainsaw na walang kaukulang dokumento na pansamantalang naka diposito ngayon sa MENRO office.
Ayon kay Ruizo malaki ang maitutulong ng hakbang na ito bilang pakiki-isa ng mga mamayan sa pag preserba sa natitira nating kagubatan. (Kalayaan Patrol news & Public Affairs Team) -Andrew Tabugoc

Kahirapan at Climate Change, Determinadong Solusyonan ng Makilala LGU

Determinado ang local government ng lungsod na hupayin ang kahirapan sa mga mamamayan nito. Kasali na ang problema sa nagbabagong panahon o Climate Change.

Ayon kay Flagship Program Coordinator Jims Zamora, bago lamang bumisita sa lungsod ang mga investors mula sa ibang bansa. Kung saan sinabi ng mga ito na sa susunod na 10 taon ay kukulangin ang supply ng goma sa buong mundo na aabot sa 18 Milyon metric tons na hindi kayang tustusan ng Pilipinas, Vietnam at Indonesia.

Dagdag ni Salazar, nasa 18 Bilyon ang deposit resources ng Natural Rubber sa lungsod. Isang hamon sa mamamayan na suportahan ang Local Government sa proyekto nitong mapalago ang rubber production sa lungsod. Na kaya ring magbukas ng higit 5,000 bagong trabaho.

Ngunit giit ng opisyal, sa kasalukuyan may 7,000 ektarya pa ang maituturing na idle lands o lupang hindi produktibo. Patapos ni Salazar, na malaking papel ang ginagampanan ng mga puno sa pagsugpo ng Climate Change. Aniya, halos 3 milyong tonelada ang Carbon emissions sa buong mundo. Ngunit sa pamamagitan ng tree planting tulad ng kanilang proyekto na kaya nating masugpo ang mabilis na pagbabago ng panahon. (Kalayaan Patrol news & Public Affairs Team) -Andrew Tabugoc

NGOs Nakiisa sa Idinaos na Tree Planting Program sa Lungsod

Mahigit 1,000 partisipante mula sa iba’t-ibang sector sa ating lungsod at probinsya ang lumahok sa isinagawang launching ng Flagship Program sa Brgy. Batasan, Makilala noong Martes, September 14.

Ayon kay Mr. Marcelino Bangot, ng Research Development ng Don Bosco nasa 7,500 seedlings ang handa nang itanim sa 15 ektaryang lupain na pag-aari ng Don Bosco Foundation. Ito’y sa pangunguna na rin ng kanilang Executive Director, Ms Maria Helenita Ruizo. Bilang alyansa sa programa ng local government.

Pormal na nagsimula ang maikling programa sa Cutting of Ribbon na mismong si Makilala Municipal Mayor Rudy Caoagdan at Cotabato Vice Governor Gregorio “dodong” Ipong, na kasalukuyang acting Governor. Bago ang pagtatanim isinagawa ng mga katutubo sa lugar ang kanilang pagsayaw bilang ritwal sa pagtatanim.

Naroon sa ginanap na programa sina Board Member Onofre Respicio, myembro ng Sangguniang Bayan, Makilala PNP sa pangunguna ni C/Insp. Jerson Berry, 1st/Lt. Andolong Durado at Major Bernie Langub ng 57th IB at si Mr. Jun Obello, pinadalang representante ni 2nd District Congresswoman Nancy Catamco. At mga NGOs na kinabibilangan ng Cotabato Electric Cooperative (COTELCO), Kidapawan Water District (MKWD) at Makilala Multi Purpose Cooperative, kasama ang mga estudyante at guro ng mga pampublikong paaralan at ilang naimbitahang myembro ng medya.

Sa kabilang dako, isinagawa rin sa nasabing launching ang pagpirma ng mga partisipante sa manifestong “One Town’s Fight Against Poverty and Climate Change”, na naka imprenta sa malaking tarpauline. Labis namang ikinatuwa ng mga mamayan ng Baranggay Batasan ang nasabing proyekto. (Kalayaan Patrol news & Public Affairs Team) -Andrew Tabugoc

Pagdinig sa Pagtaas ng Sahod sa Rehiyon, Hindi pa Tapos

Walang naghihintay na bagong pagtaas ng sahod sa mga minimum wage earners sa rehiyon. Ito ang pahayag ni Department of Labor and Employment (DOLE), Regional Director Joel Gonzales. Sa natapos na multi-sectoral consultations na ginanap sa mga lungsod ng General Santos at Kidapawan, noong nakaraang linggo.

Wala pa umano silang mapapalabas na konklusyon dahil may gagawing pang deliberasyon sa Regional Tripartite Wages and Productivity Board.

Ngunit dagdag ng opisyal na baka sa darating na Oktubre ay makapag papalabas na sila ng desisyon. (Kalayaan Patrol news & Public Affairs Team) -Andrew Tabugoc

Resolusyon Para sa Reklamo ng KMM, Kinuwestyon

Hindi natuloy nag pag gawa ng isang resulosyon sa rekomendasyong pinalabas ng ng Committee on Peace and Order ni Councilor Boy Ang sa konseho, noong Lunes Setyembre 13.

Ito’y matapos kwestyunin ni Coun. Lito Cañedo ang nasabing rekomenmdasyon na baka hindi sang-ayon sa sentemyento ng mga Kapitan ng lungsod. Sinuportahan naman ito ni Association of Barangay Council (ABC) President Dodong Orbita, na nakatanggap s’ya ng impormasyon mula sa isang barangay chairman. Na pumirma sila sa isang manifesto para sa retention o pagbalik ng mga pwersang militar sa mga government properties na dati nitong ginawang tirahan.

Matatandaang pina pull-out ni Lt. /Col Bernie Langub ang mga tauhan nito na naka base sa mga baranggay na pansamantalang naninirahan sa paaralan, baranggay hall at mga Day Care Centers. Bilang sagot sa inihaing reklamo ng Kilusang Mambubukid ng Makilala o (KMM) sa Sangguniang Bayan, noong nakaraang buwan.

Higit sa 1,000 ang naging partisipante mula sa iba’t-ibang sector ng lungsod at probinsya, kahapon. Kaugnay sa ginanap na launching ng Flagship program sa Baranggay Batasan ng lungsod. (Kalayaan Patrol news & Public Affairs Team) -Andrew Tabugoc

Resolusyon sa Pagbili ng Tractor, Hinarangan ng isang Konsehal sa lungsod

Hinarangan ni 1st Councilor Pedro An gang pagpasa sa isang resolusyon sa kanilang ika-10 regular session ng konseho ng lungsod, kahapon. Ito ay ang pag allocate ng pundo para sa pagbili ng isang tractor, na counterpart ng Municipal Government sa programang Agri- Pinoy Maisan Program, sa halagang 1.4 M pesos.

Ito ay tinulak ng Committee on Agriculture sa pangunguna ni Coun. Calfred Respicio. Kung saan nasa 1.2 M pesos rin ang magiging counterpart ng Department of Agriculture. Ayon sa imyembro ng Komite na si Coun. Cañedo magagamit ang nasabing makinarya sa 500-600 ektarya na lupang agrikutura sa lungsod.

Ngunit iginiit pa rin ni Coun. Ang na hindi na kinakailangan pa ang nabanggit na makina dahil naka focus naman umano ang programa ng Mayor sa pagtatanim ng goma. Kung saan hindi na ginagamitan ng tractor at masasayang lamang ang pera ng gobyerno sa darating na 2-3 taon. Dagdag ng opisyal na ang tractor na ibibigay ng Provincial Government ay sapat na upang tugunan ang serbisyo sa mga taga-lungsod. (Kalayaan Patrol news & Public Affairs Team) -Andrew Tabugoc

Pagkumpiska ng mga Illegal Lumber, Pinalawig ng MENRO Makilala

Pinalawig na aksyon ang ginagawa ng Municipal Environment and Natural Resources ng lungsod upang habulin ang mga illegal loggers. Ito’y base sa inihayag ni Engr. Walter Ruizo ang Municipal Officer ng nasabing tanggapan.

Pinakahuling natiklo ng kanilang opisina ang isang truck na puno ng mga di’ dokumentadong kahoy sa Sitio Apoy-apoy ng Brgy Buena Vida ng lungsod. Dagdag pa ang nakarekober na mga nakatambak illegally cut lumber sa Sitio Libertad sakop pa rin ng nabanggit na baranggay.
Kung saan abot ito sa 170 piraso o 1,360 bd-ft. ang nabanggit ay pag-aari ng isang Berting Lahib, na residente rin ng baranggay. Pinutol umano ang mga nakumpiskang kahoy sa lupa ni Brgy.Chairman Madrid Palawan.

Naging matagumpay na operasyon ay sa tulong narin ng Department of Environment and Natural Resources o (DENR) at ng 57th Infantry Battalion. Ang mga nasukmit na illegall cut lumber ay nasa kustudiya na ng MERO sa pahintulot na rin ng DENR.
Pinasasalamatan naman ni Ruizo ang pwersa ng 57th IB sa pangunguna ni Lt.Col. Bernie Langub sa pakikipagtulungan nito na masugpo ang ganitong iligal na gawain. (Kalayaan Patrol news & Public Affairs Team) -Andrew Tabugoc

Makilala Magiging Exporter na ng Rubber sa Susunod na Dalawang Taon

Dadag na kita at maagang asenso. Ito ang sinabi ni Makilala Mayor Rudy Caoagdan, sa ginawang pakikipagpulong sa mga opisyal ng Brgy. New Cebu. Katatapos pa lamang umano bumisita ang mga representante galing sa bansang Finland. Kung saan naging paksa ang rubber production. Sa susunod na dalawang taon nangangailangan ang nasabing bansa ng humigit 2 milyong toneladang goma. At nasa 48 Milyong tonelada naman ang kukulanging supply ng rubber products sa loob ng dalawang taon.
Inihayag ng mga dayuhan na isa ang lungsod sa magiging rubber supplier sa nasabing bansa sa susunod na dalawang taon. Rason upang palakasin pa ng lokal na pamahalaan ang programa nito. Maalalang malakas ang kampanya ng administrasyon ng lungsod at maging ng probinsya na gawing produktibo ang mga bakanteng lupain sa mga baranggay. Sa pamamagitan ng pamimigay ng libreng rubber seddlings sa mga residente. (Kalayaan Patrol news & Public Affairs Team) -Andrew Tabugoc

Grupo ng IPs sa Lungsod, Nag-akyat ng Reklamo sa SB

Matagumpay ang isinagawang pagdinig sa reklamong pinaabot ng Makilala Bagobo Association (MABA) sa konseho ng lungsod. Ito’y may kaugnayan sa pamumuhay ng kanilang mga myembro sa mga baranggay na sakop ng Makilala. Naging balakid umano sa kanilang katahimikan ang presensya ng militar, kung saan naninirahan ang mga ito sa loob ng baranggay hall, health centers at maging sa paaralan. Na tahasang paglabag sa saligang batas.

Dalawang puntos ang tinukoy ng grupo na nais nilang maresolba ng Saguniang bayan sa pangunguna ni Vice Mayor Ricky Cua. Una, ang militarization, kung saan nakakaranas sila ng Human Rights Violation particular ang derektang pag-akusa sa ilang mga Lumad na myembro umano ng NPA o supporter ng nasabing grupo, pati na ang deretsang pagpasok sa kanilang kabahayan.

Pangalawa ang illegal entry o pagpasok ng mga sundalo sa kanilang lupain at pananatili ng maraming araw. Hindi na umano sila nakakasaka sa kanilang pananim sa bukid dahil sa takot. Kinaumagahan pa kasi umano, ay naroon na ang militar. Hayagang paglabag umano ang hakbang ng militar sa Indigenous Peoples Rights Act o RA 8371, na pitong araw lamang pwedeng manatili ang pwersa ng militar sa IP community. At sa R.A 7910, na nagsasaad na kailangang nasa 500 hanggang 1,000 meters ang layo ng military detachments mula sa komunidad.

Sa binasang liham ng grupo, hinihiling nito ang pull-out ng mga military sa baranggay. Tungo sa kautusan ng Sangguniang Bayan at implementasyon ng Mayor ng lungsod. Ang MABA ay nasa ilalim ng organisasyong Apo Sandawa Lumadnong Panaghiusa sa Cotabato Incorporated (ASLPCI). Ito’y may 11 chapters sa buong lalawigan na nagbabantay at naghahayag ng mga kahalintulad na problema sa kanilang hanay.

Naroon sa halos 3 oras na pagtitipon ang chairman ng MABA na si Kgwd,. Rodolfo Baguio kasama ang chairwoman ng Apo Sandawa Lumadnong Panaghiusa sa Cotabato Incorporated (ASLPCI) na si Ms. Norma Capuyan at mga chapter presidents. Naroon din ang myembro ng konseho na s’yng dumulog sa nasabing reklamo at mga baranggay chairman. Sa lungsod. Ang nasabing pagtitipon ay ginanap kahapon, Setyembre 9, sa Makilala Municipal Rooftop. (Kalayaan Patrol news & Public Affairs Team) -Andrew Tabugoc

Pagdinig sa Pagpapatayo ng Municipal Emergency Assistance Center, Mainit na Tinalakay

Mainit na tinalakay ang ginanap na pampublikong pagdinig sa Session Hall ng Sanguniang bayan ng Lungsod, kanina. Dito’y tinalakay ang ordinansang tutugon at tutulung sa mga taga lungsod sa panahon ng kanilang pangangailangan. Ito ang ordinansang naglalayong itayo ang isang Municipal Emergency Assistance Center. Na s’yang maghahatid ng benipisyong medical, burial, transportation at food assistance sa mga panahong kinakailangan.

Sumalang para sa pagdinig ang Committee on laws at umupo bilang presider si Municipal Councilor Carlito Cañedo kasama sina Coun. Pedro Ang at Coun. Adelwisa Cruz. Kung saan dinaluhan din ng mga taga-lungsod galing sa iba’t-ibang sector ng komunidad at mga opisyal ng barangay. Layon ng nasabing pagdinig ay tanggapin ang suhesyon at tanong ng mga kababayang nais matukoy ang proseso sa pagkuha ng serbisyo sa nasabing progarama. Kung kailan aktibo naman sa partisipasyon ang lahat.

Babasahin muli ang isinusulong na ordinansa sa susunod na regular session ng konseho para sa dapat pang repasuhin ukol sa serbisyo nito. Sa pagsasara ng pagdinig, nagka isa ang lahat na ipagpatuloy at itayo ang nasabing programa. Kasabay ng pag-asang makakatulong ito sa lahat ng mga nangangailangan. (Kalayaan Patrol news & Public Affairs Team) -Andrew Tabugoc

Flagship Program, Pinagsabay sa Anibersaryo ng Dalawang Barangay sa Lungsod

Napuno ng selebrasyon ang lungsod ng Makilala ngayong araw. Kung saan dalawang baranggay ng lungsod ang nagdiriwang ng kanilang anibersaryo. Kasabay nito ay ang launching rin ng flagship program sa kanilang baranggay.

Unang tinungo ng may akda ng programa na si Mayor Rudy Caoagdan ang baranggay ng Poblacion. Dito’y nagbigay s’ya ng kanyang talumpati at pagkatapos ay tumungo sa lugar kung saan idinaos ang launching ng kanyang programa. Naging benipisaryo ng nasabing lugar, si Cesar Flores na nakatanggap ng higit 80 puno ng goma na timanim mismo ng mga opisyal ng lungsod.

Kinahapunan naman ay tinungo ng mga opisyal ang barangay Indangan kung saan nagdiriwang rin ng kanilang ika- 52 anibersaryo. Nakatanggap sila ng mahigit 250 puno ng goma na itinanim sa lupa ng kapatid ni Brgy. Chairman Inggo Napoleon.

Ayon sa opisyal, mahigit 5 ektaryang lupain ang kanilang handang pagtaman. Handa na rin aw umano ang mga punong ipangtatanim at itatanim ito sa pamamagitan ng Bayanihan. Labis namang ikinatuwa ng opisyal ang pagkakaroon ng nasabing programa upang matulungan ang kanyang mga kabarangay.

Samantala, kasabay na nagtanim ng alkalde ang mga Department Heads ng lungsod, pulisya, sundalo at media. Isinasagawa ang flagship program sa lahat ng barangay na sakop ng lungsod. Kung saan sinimulan ito noong buwan ng Hulyo at target na matamnan ang mahigit kumulang sa 500 ektarya na bakanteng lupain ngayong taon. (Kalayaan Patrol news & Public Affairs Team) -Andrew Tabugoc

Comelec sa Makilala handa na para sa October 25 Election

Tuloy ang Brgy. at Sangguniang Kabataan Eleksyon sa Octobre 25, 2010 at handa na rin ang tanggapan ng Comelec sa lungsod ng Makilala.

Gagawin paring mano-mano at hindi sa pamamagitan ng automation ang nalalapit na halalan, dahil ang pagbibilang ng mga boto ay isasagawa sa bawat Brgy. maging ang proklamasyon ng mananalong kandidato, ito ay ayon kay Maxima Catatista Municipal Comelec officer.

Dagdag pa nito 1,300 ang inalis nila sa listahan ng mga botante, dahil may batas na sinusunod na kapag dalawang magka sunod-sunod na halalan na hindi nakapagboto ang isang botante ay iaalis na ito sa talaan, at nasa kabuoang 40,088 ang SK at regular voters sa nabanggit na lungsod.

Sa ngayon ay ang Calendar of activities pa lamang ang natatanggap nila, kaya hindi pa sila naka pag conduct ng training para sa mga BEI’s na kung saan sila ang mag hahandle para sa darating na eleksyon. (Kalayaan Patrol news & Public Affairs Team) - Lea Sarbon

Resolusyon sa Gipadangat nga Reklamo sa KMM, Gipagawas na

Nagpalabas na ng rekomendasyon ang Committee on Peace & Order nad Public Safety. Ito’y sa pamamagitan ng kanilang Committee report No. 1, na isinumete sa sesyon ng konseho kahapon.

Laman ng kanilang rekomendasyong ang mga sumusunod:

1. Ibakante ng mga military ang mga pampublikong gusaliblng kanilang pansamantalang tirahan sa loob ng barangay.
2. Magkaroon ng Investigative Body ang 39th at 57th IB, upang imbestigahan mga alegasyon laban sa kanilang mga tauhan.
3. Imbestigahan at linawin ng Commission on Human Rights ang mga aligasyong pang-aabuso.
4. Tulungan ng KMM ang investigating boby ng military at CHR na pangalanan ang mga inirereklamong personels ng army.
5. Himukin ang mga opisyal ng barangay na makipag-ugnayan sa Commanding Officer ng military sa CHR sa mga report ng pang-aabuso gawa ng ilang myembro ng military.
Maaalalang nagpadala ng liham ang Kilusang Mambukid ng Makilala sa tanggapan ni Vice Mayor Ricky Cua at ipinasa sa komitiba ni Kgwd. Pedro Ang. Dito’y nagtakdang pagdinig ang nasasbing komite na ginanap noong noong ika 18 at 24 ng Agosto taong kasalujuyan.

Nasa nasabing pagdinig ang Chairperson ng Kmm at s’yng tumayong tagapagsalita na si Nida Delima, Major Danny Bustamanteng Task Force Bayanihan, 1st/Lt Andolong Durado tagapagsalita ng 57th IB, kasama ang si atty. Emma Ferenal ang legal council ng nabanggit na battalion.

Naroon din sa P/Ins jerson berrey ng Makilala PNP, atty Gary Vergara legal council ng lungsod. Mike Peñalosa ang provincial chairman ng CHR at Ms. Joy Bravo, ang Regional Chairman ng (CHR 12) kasama si Antonio Delposo.

Ang Peace & Order Committee na sumalang sa nasabing pagdinig ay pinangungunahan ni Kgwd. Pedro Ang at myembro nitong sina Kgwd jovencio Tabora at Kgwd Edelberto Tabanay. (Kalayaan Patrol news & Public Affairs Team) -Andrew Tabugoc

Brgy. Poblasyon sa Makilala Nagdiwang ng ika-56 na Anibersaryo

“Pagbag-o hagit sa tanan, Kinaiyahan Ugmaron ug ampingan”, ito ang tema ng ika-56 na anibersaryo ng Brgy. Pobalasyon sa lungsod ng Makilala.

Sinimulan ang pagdiriwang ng isang parade ng mga brgy. officials kasama ang mga pribado at pampublikong paaralan ng nabanggit na lungsod. Pagkatapos nito ay nagkaroon ng Launching sa rubber project ni Municipal Mayor Rudy Caoagdan.

Hindi naman nakarating ang sana’y maging guest speaker sa nasabing selebrasyon na si 2nd District Representative Nancy Catamco na kung saan ang kanyang mensahe para sa mga makilaleños ay ipinarating na lang ng kanyang tagapagsalita na si Jun Obello.

Noong Lunes isinagawa ang mga sports event, ang enter highschool basketball, Volleyball at iba pa na pinangunahan naman ng Sangguniang Kabataan (SK).

Kaugnay nito, Punong- puno ng mga tao ang Municipal Gymnasium noong martes ng gabi kung saan nagkaroon ng Acrobatic Show na halos hindi magkanda ugaga sa kasisigaw at katatawa ang bawat manonood at ang kasiyahang hated nito lalo na sa mga bata. (Kalayaan Patrol news & Public Affairs Team) - Lea Sarbon

Comelec sa Makilala handa na para sa October 25 Election

Tuloy ang Brgy. at Sangguniang Kabataan Eleksyon sa Octobre 25, 2010 at handa na rin ang tanggapan ng Comelec sa lungsod ng Makilala.

Gagawin paring mano-mano at hindi sa pamamagitan ng automation ang nalalapit na halalan, dahil ang pagbibilang ng mga boto ay isasagawa sa bawat Brgy. maging ang proklamasyon ng mananalong kandidato, ito ay ayon kay Maxima Catatista Municipal Comelec officer.

Dagdag pa nito 1,300 ang inalis nila sa listahan ng mga botante, dahil may batas na sinusunod na kapag dalawang magka sunod-sunod na halalan na hindi nakapagboto ang isang botante ay iaalis na ito sa talaan, at nasa kabuoang 40,088 ang SK at regular voters sa nabanggit na lungsod.

Sa ngayon ay ang Calendar of activities pa lamang ang natatanggap nila, kaya hindi pa sila naka pag conduct ng training para sa mga BEI’s na kung saan sila ang mag hahandle para sa darating na eleksyon. (Kalayaan Patrol news & Public Affairs Team) - Lea Sarbon

Problema sa Lumad pagadunggon sa kauban ang mga Kapitan sa lungsod

Pagadunggon ugmang adlawa Setyembre 9, ang usa ka panagtigum tali sa lumad og tanang kapitan sakop ning lungsod sa Makilala.
Kini usa ka konsultasyon may kalambigitan sa nasinating paghikaw sa katungod sa mga lumad nga magpuyong malinawon sa mga kabaranggayan.
Kining maong mulo naggikan sa makilala Bagobo Association (MABA), ilalom sa Apo Sandawa Lumadnong APnaghiusa sa Cotabato (ASLPC) Inc. Ang maong imbetasyon gipadala sa opisina ni Association of barangay Council (ABC) President Dodong Orbita, niadtong Setyembre 1, sa kasamtangang tuig og pirmado kini sa mga opisyal sa maong hukbo.
Mahinumdomang pinaagi sa R.A 8371 o ang Indigenouse Peolples Rights Act, pagailhon og angay respetuon ang katungod sa mga lumad dili lamang dinhi sa nasud pilipinas apan lakip na sa tibuok kalibutan.
Ang maong konsultasyon pagahimuon alas 9 sa buntag didto sa Makilala Municipal Rooftop. (Kalayaan Patrol news & Public Affairs Team) -Andrew Tabugoc

Resulosyong Naglalayon sa Pag-unlad ng Lungsod, Naipasa sa Konseho

5 resulosyon ang na aprobahan ng konseho sa kanilang regular na sesyon kahapon. Galing ang 2 resulosyon sa komitiba ng turismo ni kon. Edilberto Tabanay, 1 sa Committee on Infastracture ni kon. Teodoro Orbita, 1 sa Committee on Laws ni Kon. Carlito Cañedo at 1 sa Committee on Finance ni Kon. William Apostol.
Ang mga nasabing resulosyon ay ang mga sumusunod:

1. Mag file ng formal claim ang lungsod sa pamamagitan ni Mayor Rudy Caoagdan sa pagsakop at pagsali ng barangay Jucntion mula sa lungsod ng kidapawan.

2. Pagbukas ng isang rubber boat sliding sa Malasila River upang mapalakas ng turismo sa lungsod.

3. Pagtayo ng isang gusali sa Bienvinido Orteza High School sa baranggay Sta. Felomena ng lungsod sa hihingiing tulong mula kay 2nd District Cong. Nancy Catamco.

4. Pagbigay sanay at seminar sa mga myembro ng Lupong Tagapamyapa at brgy tanod ng lungsod

At panghuli ay ang na amendahang resulosyon ukol sa pagtawag ng isang Summit Conference ng mga alkalde sa bayan ng Tulunan at Ml’ng ng probinsya at mga alkalde mula sa bayan ng Bansalan, Magsaysay, Matanao, at Hagonoy ng Davao del Sur. Bago nito ay susulat si Mayor Rudy Caoagdan sa opisina ng Department of Environment and Natural Resources 0 (DENR) para sa nasabing talakayan. Dito’y pag-uusapan ang pagsasaayos ng nasirang watersheds ng Saguing, Malaang, Malasila, Bulatukan at Darapuay Rivers. Kung saan ang nasabing mga ilog ang sy’ng nagsusuply sa mga patubig at irigasyon ng nabanggit na mga lungsod.

Ang mag resulosyong ito ay isasalang sa pangatlong pagbasa bago maging isang ganap na ordinansa. (Kalayaan Patrol news & Public Affairs Team) -Andrew Tabugoc

Kgwd. Ang, Sinagot na ang mga Alegasyong Inihayag ng Isang Lokal na Pahayagan

NAGPALABAS NA NG Press Release si Kagawad Pedro Ang, ng lungsod ng Makilala. Ito’y para linawin ang opinyong sinulat sa isang local na pahayagan ng probinsya na pinanguluhang “Buringog”.
Laman ng nasabing opinion ang kritisismo sa proseso ng nangyaring hearing kaugnay sa reklamo ng Kilusang Mambubukid ng Makilala o KMM laban sa alegasyong pang haharash at pagtapak sa karapatang Pantao ng Philippine Army sa mga piling barangay ng lungsod. Ginanap ang hearing noong Setyembre 18 at 24 ng taong kasalukuyan.

Angal ng opisyal, na isang pang-iinsulto at kasiraan sa kanyang reputasyon ang nasabing artikulo. At kung may kakulangan man silang nakita ay dapat itong gawing Constructive Criticism at hindi ang pag- gamit ng mga di kanais nais na mga salita.

Inihayag ni kagawad Ang na hindi tutoo ang alegasyong sumigaw s’ya sa loob ng session hall. At para katibayan, ay makikita ito sa CCTV kung saan recorded ang nasabing pagdinig. Hindi din daw tutoo ang elegasyong isa siyang tamad na opisyal ng lungsod. At iminungkahi sa manunulat ang pagbusisi sa opisina ng Sangguniang Bayan upang malaman kung ilang resulosyon at ordinansa na ang kanyang nagawa.

Dagdag ng opisyal, na ang hindi pag isa-isa sa mga biktima na magsalita sa nasabing pagdinig ay naaayon sa kanilang procedure at wala itong ginawang manipulasyon. Ito din daw ay pinag-usapan at pinaintindi sa mga opisyal ng grupong magsasaka bago pa ang pag set ng hearing.

Ang pagkaroon ng ikalawang hearing umano ay upang mabigyan ang pagkakataon ang Phil army para mabasa ang 7 page fact sheet na reklao sa kanila. At giit ni Major Danny Bustamante, representante ng Task Force Bayanihan na kailangan pa nilang i-refer ang nasabing reklamo sa kanilang Commanding Officer.

Tinapos ni Kgwd. Ang, ang kanyang statement para sa manunulat na hindi s’ya matatawag na kampeon sa pagdipensa sa mga inaapi at karapatang pantao. Dahil mimo ang kanyang karapatan ay di binigyan ng respeto.(KALAYAAN NEWS & PUBLIC AFFAIRS)

Ika-50 taong Anibersaryo ng Notre Dame Makilala, Ipinagdiriwang

“RETRACING, Rebuilding, Reliving, Ignacian Marian Education NDM- Legacy of Commitment at 50.”
Ito ang tema ng ika 50 taon o Golden Aniversary ng Notre Dame of Makilala. Limang araw n sunod-sunod na mga aktibidad ang kanilang isasagawa. At ito ay nagsimula noong araw na Sabado Setyembre 4, 2010. Binuksan ang 5 araw na programa ng parada ng mga estudyante, alumni, staff at mga guro, at kinahapunan naman ay nagkaroon ng entertainment showcase.
Dumating din sa nasabing pagbubukas ng selebrasyon si Gov. Emmylou Mendoza na nagbigay ng kanyang talumpati.
Sa Myerkules Setyembre 8, itinakda nag pagtatapos ng selebrasyon. Na kung saan mapupuno ito ng programa at mga aktibidad. Inaaasahan naman sa araw na ito na darating si Mayor Rudy Caoagdan. (KALAYAAN NEWS & PUBLIC AFFAIRS)

Inirereklamong Stalls sa Gilid ng Kalsada Dahilan ng Masikip na Trapiko, Pinagtulungang Solusyonan

Inaaksyonan na umano ng ahensya ng Municipal Government ang inahayag na problema ng trapiko sa lungsod dahil sa mga tindahang inu-okupa ang sidewalk at bahagi ng kalsada.
Sa aming panayam kay Makilala Market Supervisor Nonoy Anhao, hindi na umano sakop ng Makilala Market Supervision ang problema sa mga tindahang tumuntong at sumasakop na sa pampublikong kalsada ng lungsod. At sakop na umano ito ng Municipal Engineering office.
Inamin naman ng opisyal na matagal nang problema ang mga tindahang hanggang sa ngayon ay nakatungtung sa gilid mismo ng kalsada, pati na ang pag-ukopa sa malaking bahagi ng sidewalk bilang permanenteng pwesto. Katunayan nito, ay nakasemento na mismo ang gilid ng kalsada at natabunan na ang drainage system, na posibleng maging problema kapag nagpatuloy ang pag-ulan sa lungsod. Ngunit giit ng opisyal na pinadalhan na umano ng notice ang nasabing mga establisimento, galing sa Engineering Ofice.
Binuyag ni Anhao, na hindi umano nagbabayad ng renta sa palengke ang mga nasabing stalls dahil sa pribadong bahay sila nagbabayad kung saan naka kabit ang kanilang stalls. At sa halip na malayo ito sa daan ay umurong ang kanilang mga displays sa mismong sidewalk at bahagi ng kalsada ng lungsod hanggang naging permaneteng pwesto.
Giit ni Anhao, may mga business permit ang mga nasabing tindahan. Nagtaka rin ang opisyal kung bakit patuloy na nabibigyan ng permit ang mga ito na hindi naman sumusunod sa batas.
Ipinapatupad na lamang nila ang re-routing ng mga pampublikong sasakyan na dumaan sa pagitan ng building 3 at 4 ng palengke tuwing Martes at Sabado kung kailan market days. Para makaiwas na maabala ng mga mamimili at nakaparadang sasakyan dahilan upang susikip ang daan.
Pahabol ng opisyal na prayoridad umano ng kanilang opisina ngayon ang implementasyon ng common parking area upang maiwasan ang traffic. Ito ay sa harap ng IMBAS Building kung saan dito na ipaparada ang mga pampubliko at pribadong sasakyan. (KALAYAAN NEWS & PUBLIC AFFAIRS)

3 Kabataan ng lungsod, Biktima ng Illegal Recruiter

Nagpatala sa Makilala PNP ang isang 40 anyos na Ginang. Matapos umanong mabiktima ng isang illegal recruiter. Ito ay si Panie Macasalong, residente ng Brgy. Buhay, Makilala. Ayon sa report, naging biktima ang kanyang kamag-anak na sina, Vadat Lawian 23 anyos, Bandar Monitib, 22 anyos, at Janiel Lawion na kapwa mga resident eng brgy. Buhay ng lungsod.
Kinilala ang suspek na isang Charina Corpuz Comticuez na taga Piapi Blvd., Davao City.
Sa kasalukuyan, patuloy pa rin ang imbestigasyon na ginagawa ng mga otoridad.

Hinugyaw 2010 Matagumpay, Gobernadora Nagpasalamat

Matagumpay na naipagdiwang ang Hinugyaw 2010 sa lalawigan. Kaya’t lubos namang Nagpasalamat si Cotabato Gov. Emmylou Mendoza, sa pakikiisa ng mga mamamayan at local executives ng 9 na munisipyo. Nakita naman ng babaeng gobernador ang suporta ng mga ito sa kanilang presensya sa aktibidad ng bawat lungsod.
Sa kauna-unahang pagkakataon, napalapit sa mga taga- N. Cotabato ang bawat pestibidad kung saan may mga aktibidad ang piling municipyo. Nais umano nitong buwagin ang paniniwalang kapag sinabing anibersaryo ng lalawigan ay fiesta lamang ng capitolyo. Pinasalamatan din ng opisyal ang mga kagawad ng PNP at ng Philippine Army na s’yang nagseguro sa seguridad ng 1 linggong kapistahan.
Samantala, nanawagan ang gobernadora na sanay magpatuloy ito sa mga susunod pang taon. At umaasang maabot na ang ibang bayan sa naturang selebrasyon. Kasabay ng pangakong ibibigay at ipadarama sa bawat mamamayan ng N. Cotabato ang “Serbisyong Totoo”. (KALAYAAN NEWS & PUBLIC AFFAIRS)