Pagadunggon ugmang adlawa Setyembre 9, ang usa ka panagtigum tali sa lumad og tanang kapitan sakop ning lungsod sa Makilala.
Kini usa ka konsultasyon may kalambigitan sa nasinating paghikaw sa katungod sa mga lumad nga magpuyong malinawon sa mga kabaranggayan.
Kining maong mulo naggikan sa makilala Bagobo Association (MABA), ilalom sa Apo Sandawa Lumadnong APnaghiusa sa Cotabato (ASLPC) Inc. Ang maong imbetasyon gipadala sa opisina ni Association of barangay Council (ABC) President Dodong Orbita, niadtong Setyembre 1, sa kasamtangang tuig og pirmado kini sa mga opisyal sa maong hukbo.
Mahinumdomang pinaagi sa R.A 8371 o ang Indigenouse Peolples Rights Act, pagailhon og angay respetuon ang katungod sa mga lumad dili lamang dinhi sa nasud pilipinas apan lakip na sa tibuok kalibutan.
Ang maong konsultasyon pagahimuon alas 9 sa buntag didto sa Makilala Municipal Rooftop. (Kalayaan Patrol news & Public Affairs Team) -Andrew Tabugoc
No comments:
Post a Comment